|
|
ՊԱՀՔ | ՊԱՅԾԱՌԱԿԵՐՊՈՒԹՅՈՒՆ (ՎԱՐԴԱՎԱՌ) | ՊԱՆԱԳԵ | ՊԱՏԱՐԱԳ | ՊԱՏԱՐԱԳԱՄԱՏՈՒՅՑ | ՊԱՏԿԵՐԱՄԱՐՏՈՒԹՅՈՒՆ | ՊԱՏՎԻՐԱՆ | ՊԱՏՐԻԱՐՔ | Ս. ՊԱՐՍԱՄ (II դ. սկիզբ) | ՊԵՆՏԵԿՈՍՏԵ | Ս. ՊԵՏՐՈՍ ԱԼԵՔՍԱՆԴՐԱՑԻ ՀԱՅՐԱՊԵՏ (+311) | Ս. ՊԻՈՆ ՔԱՀԱՆԱ (+250) | ՊՂՆՁԵ ՕՁ | Ս. ՊՈՂԻՔՏՈՍ ՄԵԼԻՏԻՆԱՑԻ (+259) | Ս. ՊՈՂՈՍ ԱՆԱՊԱՏԱԿԱՆ (III-IV դդ.) | ՊՍԱԿ ՊԱՅԾԱՌԱԿԵՐՊՈՒԹՅՈՒՆ (ՎԱՐԴԱՎԱՌ) Իր խաչելությունից առաջ Թաբոր լեռան վրա Քրիստոս Իր երեք աշակերտների՝ Պետրոսի, Հովհաննեսի և Հակոբոսի ներկայությամբ լուսավոր ու պայծառ կերպարանք ստացավ [տե՛ս Մատթ. 17.1-2]: Այս պատճառով Տիրոջ այս կարևորագույն տնօրինության հիշատակին հաստատված տոնը կոչվում է Պայծառակերպություն:Ավետարանիչները պատմում են, որ այդ ժամանակ Քրիստոսի երկու կողմերում հայտնվեցին Մովսեսն ու Եղիան և զրուցում էին Նրա հետ: Այս սքանչելի իրադարձության մեջ Եկեղեցու վարդապետները տեսնում են ողջ մարդկության վերջնական փոխակերպման և պայծառացման կենդանի խորհրդանիշը:  Երևան, ձեռ. 197, էջ 132բ, Ավետարան, 1287 թ. Ինչպես այն ժամանակ աշակերտները, այնպես էլ այժմ Եկեղեցին Պայծառակերպության տոնին սքանչանում է Քրիստոսի փառքով՝ հիշելով, որ Նրան փառակից են լինելու Իր հավատարիմ ծառաները, որոնք պիտի պայծառակերպվեն երկնքի արքայության մեջ և հավիտենապես զմայլվեն Սուրբ Երրորդությունից ճառագող անճառելի լույսով: Հայ Եկեղեցին Պայծառակերպությունը տոնում է Հոգեգալստին հաջորդող 7-րդ կիրակի օրը: Այն 5 գլխավոր՝ տաղավար տոներից է և տևում է 3 օր՝ ներառելով հաջորդող երկուշաբթին և երեքշաբթին: Տոնը մեկ այլ անվանում էլ ունի՝ Վարդավառ, քանի որ ս. Գրիգոր Լուսավորչի հրամանով հաստատվել է համանուն հեթանոսական տոնի փոխարեն: Այդ է պատճառը, որ Պայծառակերպության տոնին ժողովրդի մեջ հանդիպում են հեթանոսական տոների վերապրուկներ, ինչպես օրինակ՝ վարդերով զարդարվելը, միմյանց վրա ջուր հեղելը և այլն: |
