|
|
Ս. ՇՈՒՇԱՆ ՎԿԱՅՈՒՀԻ (+475) Շուշանը հայոց սպարապետ Վարդան Մամիկոնյանի ավագ դուստրն էր՝ վրաց իշխան Վազգենի կինը:Վարդանանց նահատակությունից հետո իր իշխանությունը պահպանելու նպատակով Վազգենը գնաց պարսից թագավորի մոտ և ուրացավ իր հավատը: Սակայն Շուշանը, ամուսնու դավաճանությունից խորապես տրտմելով, հավատարիմ մնաց իր Տիրոջը:  Երևան, ձեռ. 1502, էջ 205ա, Հայսմավուրք, 1651 թ., Կ. Պոլիս Ծաղկող՝ Մարկոս Պատկերահան Կնոջ անհնազանդությունը տեսնելով՝ անօրեն իշխանը տարիներ շարունակ անասելի տանջանքների ենթարկեց նրան: Սակայն սրբուհին անտրտունջ դիմանում էր՝ անվերջ աղոթելով ու փառաբանելով Աստծուն: Եվ դրանից ավելի չարանալով՝ մի անգամ Վազգենը լախտով ուժգին հարված հասցրեց նրան: Գազազած ամուսնու ձեռքից կնոջն ազատեց նրա տագրը և թաքցրեց մի ապահով վայրում, որտեղ և մեկ տարի անց Շուշանը մահացավ: |
