|
|
ՊԱՀՔ | ՊԱՅԾԱՌԱԿԵՐՊՈՒԹՅՈՒՆ (ՎԱՐԴԱՎԱՌ) | ՊԱՆԱԳԵ | ՊԱՏԱՐԱԳ | ՊԱՏԱՐԱԳԱՄԱՏՈՒՅՑ | ՊԱՏԿԵՐԱՄԱՐՏՈՒԹՅՈՒՆ | ՊԱՏՎԻՐԱՆ | ՊԱՏՐԻԱՐՔ | Ս. ՊԱՐՍԱՄ (II դ. սկիզբ) | ՊԵՆՏԵԿՈՍՏԵ | Ս. ՊԵՏՐՈՍ ԱԼԵՔՍԱՆԴՐԱՑԻ ՀԱՅՐԱՊԵՏ (+311) | Ս. ՊԻՈՆ ՔԱՀԱՆԱ (+250) | ՊՂՆՁԵ ՕՁ | Ս. ՊՈՂԻՔՏՈՍ ՄԵԼԻՏԻՆԱՑԻ (+259) | Ս. ՊՈՂՈՍ ԱՆԱՊԱՏԱԿԱՆ (III-IV դդ.) | ՊՍԱԿ ՊՂՆՁԵ ՕՁ Եգիպտոսից Ավետյաց երկիր ընթանալու ճանապարհին, որն անցնում էր անապատով, իսրայելացիներն աղաղակ բարձրացրին առ Աստված ու Մովսեսին ասացին. «Եգիպտացիների երկրում գերեզմաններ չկայի՞ն, որ մեզ բերեցիր այստեղ՝ անապատում սպանվելու: Այս ի՞նչ բերեցիր մեր գլխին, ինչո՞ւ մեզ հանեցիր Եգիպտոսից: Մի՞թե եգիպտացիների երկրում քեզ չասացինք, թե՝ թո՛ւյլ տուր, որ ծառայենք եգիպտացիներին: Մեզ համար ավելի լավ կլիներ, որ ծառայեինք եգիպտացիներին, քան մեռնեինք այս անապատում» [Ել. 14.11-12]:Նրանց այս ապերախտության համար Աստված թունավոր օձեր ուղարկեց, որոնք խայթում և սպանում էին մարդկանց: Ժողովուրդը, հասկանալով, որ պատժվում է, զղջաց և դիմեց Մովսեսի օգնությանը: Ի պատասխան Մովսեսի աղոթքի՝ Աստված պատվիրեց նրան, որ պղնձից մի օձ պատրաստի և ձողի վրա դրած՝ այն բարձրացնի ի ցույց ժողովրդի՝ ասելով. ով որ օձից խայթվի, թող նայի պղնձե օձին և չի մեռնի: Մովսեսն արեց, ինչպես որ պատվիրել էր Տերը: Եվ օձից խայթվողները, նայելով պղնձե օձին, փրկվեցին: Այսպես Տերը խրատեց Իր ժողովրդին՝ նրան դրդելով հավատալ Իր խոսքին և վայելել վերջինիս հրաշալի իրագործումը [Թվ. 21.6-9]:  XIX դ.: Հեղինակ՝ Յուլիուս ֆոն Կարոլսֆելդ Պղնձե օձը նախօրինակն էր Քրիստոսի: Ակնարկելով Իր խաչելության մասին՝ Հիսուսն ասաց. «Ինչպես որ Մովսեսը անապատում բարձրացրեց օձը, այնպես էլ Մարդու Որդին պետք է բարձրանա, որպեսզի ով Նրան հավատում է, հավիտենական կյանք ընդունի» [Հովհ. 3.14-15]: Եվ ինչպես որ իսրայելացիները, նայելով պղնձե օձին, բժշկվեցին, այնպես էլ նրանք, ովքեր հավատով նայում են խաչված Քրիստոսին, ազատագրվում են մեղքի խայթոցից և արժանանում փրկության: |
