|
ԿԱԹՈՂԻԿԵ | ԿԱԹՈՂԻԿՈՍ | ԿԱՆԱՅԻ ՀԱՐՍԱՆԻՔԸ | ԿԱՆԹԵՂ | ԿԱՆՈՆ | ԿԱՐԳ ՀԻՎԱՆԴԱՑ | ԿԱՐՄՐԱՎՈՐ Ս. ԱՍՏՎԱԾԱԾԻՆ ԵԿԵՂԵՑԻ | ԿԱՐՍԻ Ս. ԱՌԱՔԵԼՈՑ ԵԿԵՂԵՑԻ | ԿԵՆԱՑ ԾԱՌ | ԿԵՉԱՌԻՍԻ ՎԱՆՔ | Ս. ԿԻՊՐԻԱՆՈՍ ԱՆՏԻՈՔԱՑԻ (200-258) | ԿԻՐԱԿԻ | Ս. ԿԻՐԱԿՈՍ ԵՎ Ս. ՀՈՒՂԻՏԱ (+305) | ԿԻՐԱՆՑ ՎԱՆՔ | Ս. ԿՅՈՒՐԵՂ ԱԼԵՔՍԱՆԴՐԱՑԻ (375-444) | Ս. ԿՅՈՒՐԵՂ ԵՐՈՒՍԱՂԵՄԱՑԻ (315-386) | Ս. ԿՅՈՒՐԵՂ ԵՊԻՍԿՈՊՈՍ ԵՎ ՆՐԱ ՄԱՅՐ Ս. ԱՆՆԱ (+362) | Ս. ԿՅՈՒՐԵՂ ՍԱՐԿԱՎԱԳ (+362) | Ս. ԿՈԴՐԱՏՈՍ ՎԿԱ (+255) | ԿՈՆԴԱԿ | ԿՈՆՔԵՌ | Ս. ԿՈՍՏԱՆԴԻԱՆՈՍ ՄԵԾ (306-337) | ԿՈՐՈՒՍՏ | ԿՌԱՊԱՇՏՈՒԹՅՈՒՆ | ԿՈՒՍԱԿՐՈՆՈՒԹՅՈՒՆ ԿԱՆԱՅԻ ՀԱՐՍԱՆԻՔԸ Գալիլիայի Կանա քաղաքը նշանավորվեց Հիսուս Քրիստոսի գործած առաջին հրաշքով:Նա Իր աշակերտների հետ հրավիրվեց այս քաղաքը՝ մասնակցելու մի հարսանիքի: Այստեղ էր և Նրա մայրը՝ ս. Մարիամ Աստվածածինը: Հարսանիքի ընթացքում անսպասելիորեն գինին վերջացավ: Եվ ս. Մարիամը դիմեց Հիսուսին՝ ասելով, թե գինի չունեն: Նա գիտեր իր Որդու աստվածային շնորհների մասին և ցանկանում էր, որ դրանք այժմ ի հայտ գան: Ու թեև Հիսուսը պատասխանեց, որ դեռևս չի եկել Իր ժամը, Մարիամը, սպասավորներին ցույց տալով իր Որդուն, ասաց. «Ինչ որ ձեզ ասի, արե՛ք» [Հովհ. 2.5]: Այսպես Տիրամայրն առաջին անգամ հանդես եկավ իր բարեխոսությամբ՝ անսպասելիորեն նեղության մեջ հայտնվածների համար: Նա չէր կամենում, որ գինին սպառվելու պատճառով հարսանքատերերը խայտառակվեն: Աստվածամայրը գիտեր նաև, թե ի՜նչ մեծ խորհուրդ է կատարվում այնտեղ, ուր ներկա է Հիսուսը. գիտեր, որ գինին խորհրդանշում է Աստծո հետ կենդանի հաղորդակցությունը, որից զրկվելու եզրին էին հրեաները: Քանզի ավարտվում էր հին ուխտը, և սկսվում էր նորը:  Երևան, ձեռ. 212, էջ 246ա (հատված), Ավետարան, 1337 թ., Թավրեժ Ծաղկող՝ Ավագ Եվ Աստծո Որդին անսաց Իր մոր բարեխոսությանը. այստեղ՝ Կանայում, Նա կատարեց Իր ողջ փրկագործությունը խորհրդանշող առաջին հրաշքը՝ ջուրը գինու վերածելով: Նա սպասավորներին հրամայեց, որ տանը եղած 6 մեծ կարասները լցնեն ջրով, ապա տանեն սեղանապետի մոտ: Ճաշակելով գինու վերածված ջուրը՝ սեղանապետը հիացավ նրա արտասովոր համով: Եվ շարունակվեց հարսանեկան խրախճանքը նոր՝ ընտիր և սքանչելի գինով: Դա խորհրդանիշն էր այն գինու, որով Քրիստոս նորոգեց մեր բնությունը. «նոր ուխտի արյունը» [Մատթ. 26.28], որ հեղեց մեզ համար՝ մեզ դարձնելով երկնային հարսանիքի մասնակիցներ: Այժմ |
